Венчаницата на Иванка Трамп била инспирирана од онаа на Грејс Кели

10 јануари 2018

Иванка Трамп беше невеста во 2009 година. Таа и нејзиниот сопруг Џаред Кушер, одлучија дека венчавката ќе се случи во Националниот Трамп голф клуб, што и не е некое изненадување.

Нема потреба да се потенцира дека свадбата изобилувала со луксуз и гламур, како што семејството Трамп и генерално милува.

Венчалниот фустан е со потпис на Вера Ванг, која го дизајнирала специјално за омилената ќерка на Доналд. Инспирацијата била венчаницата на Грејс Кели, а креацијата е создадена од тантела и многу слоеви свила. 

Навидум скромната венчаница е украсена со дијаманти од “Иванка Трамп Колекшн“, па вредноста на изгледот на наследничката Трам достигнува до 220 илијади долари.

Само 130 илјади чинат обетките што ги носи. Целиот фустан тежел повеќе од 20 килограми, а на него работеле 28 шивачки.

На свадбата на Иванка, Меланија носела фустан со потпис на модната куќа „Диор“ чија цена се движи околу 100 илјади долари. 

Објавено:
10 јануари 2018
Категорија: 
Бела соба
Прочитано:
1.005 пати