Ако закажавте венчавка оваа пролет, а сè уште го немате одбрано совршениот фустан, тогаш задолжително погледнете ја новата колекција на Вера Ванг.

Во истата, дизајнерката смести вистински бајковити фустани на кои им додаде детали како никогаш досега.

И онака магичните парчиња таа ги украси со впечатливи големи цветови претежно во пределот на рамената и половината.

Што се однесува до моделите, и овојпат дизајнерката понуди раскошни, секси и заволиви модели од кои дефинитивно секоја дама ќе го пронајде својот фаворит.

Од огромната палета бои, Ванг во колекцијата смести бели, нежно розови, крем и бледо зелени креации, а секоја од нив вистински го одзема здивот.

Како најпогодни материјали за нејзините модели овојпат таа одбра органза, француски тул и тантела, а сето тоа склопено заедно и украсено со впечатливи цветови.

Погледнете ги сите модели од една од најубавите пролетни колекции венчаници.

Инфо и фото: Fashion Gone Rogue

Објавено:
17 април 2019
Категорија: 
Бела соба
Прочитано:
1.041 пати