Младешка и урбана улична мода во Тбилиси

Грузискиот главен град, Тбилиси, од 19 до 23 април беше домаќин на грузиската модна недела каде тамошните млади дизајнери ги промовираа своите колекции за сезоната есен-зима 2017.

Во меѓувреме, во околината на Историскиот музеј на Тбилиси каде се одржуваше модната недела, се случуваше вистинско модно улично шоу.

Урбана мода во која преовладуваат предимензионирани парчиња, е првиот впечаток кога ќе ги разгледате фотографиите од уличната мода на Тбилиси. Застапени се ултра популарните макси капути, џинс во сите варијанти, еклектичните дезени, панталоните со висок струк, а омилени се ниските чевли и патиките.

26 април 2017