Значителен ефект со мала инвестиција: Колор-блок ѕидовите ќе го освежат вашиот дом

6 февруари 2020

Мала инвестиција, а може да резултира со значителна трансформација во ентериерот.

Комбинацијата на колор-блок ѕидови може комплетно да го промени амбиентот во вашиот дом или на работното место.

Во модерната архитектура овој концепт е актуелен веќе неколку сезони и наголемо се применува во уредувањето на современите ентериери, токму поради тоа што е рационално решение со кое може да постигнете видливи ефекти.

Притоа може да ја искористите вашата креативност во спојувањето на нијанси и форми, со што варијантите се бројни.

Колор-блок комбинацијата може да ја користите кога сакате да акцентирате некој ѕид во просторот или доколку сакате да ги разиграте минималистички уредените дневна, детска или спална соба.

Интересно е што оваа тенденција може да се комбинира и со формите на мебелот или елементите за осветлување, со идеја да се добие компактна целина.

Фото: Pinterest

 

Објавено:
6 февруари 2020
Категорија: 
Архитектура
Прочитано:
889 пати