Како беше на отворањето на Skopje Design Week?

23 ноември 2017

Вчеравечер во мултимедијалниот културен центар „Јавна соба" се отвори седмото издание на Неделата на дизајнот во Скопје (Skopje Design Week), каде посетителите имаат можност да посведочат и да уживаат во иновативни производи и услуги од дизајнери и брендови од цела Европа, пропратено со пријатна музика, корисни предавања, работилници за деца и возрасни, вкусна дизајнирана храна...

Првата вечер се отвори со музички перформанс на српскиот квартет „Артан Лили" од Белград. Групата што се одликува со препознатлив и заразен ноиз-поп звук, одличен визуелен идентитет и текстови кои се ангажирани, нежни и разбирливи, а постои од 2013 и има еден албум.

Оваа година земја во фокус е Унгарија, која се претставува со врвна дизајн изложба составена од 20 дизајн студија, компании и поединци.

Тема на овогодинешото издание на SDW е "Звукот на материјалите", каде водејќи се од фактот дека материјалите, достапноста на истите и нивната обработка, во моментов се најпримарни елементи во еден производ.

„Недела на дизајнот во Скопје" ќе биде отворен до 26-ти ноември, а влезот за сите посетители е слободен.

 

Објавено:
23 ноември 2017
Категорија: 
Култура
Прочитано:
677 пати