Џенифер Лоренс не е веќе најплатена актерка во Холивуд

17 август 2017

После неколку години, Џенифер Лоренс конечно се симна од листата на најплатени актерки во Холивуд. Да ја симне од тронот ѝ успеа на Ема Стоун. Во тоа секако ѝ помогна филмскиот хит „Ла ла ленд“. Како пренесува „Форб“, Стоун годинава заработила 26 милиони долари.

За потсетување, во февруари годинава, актерката го освои оскарот за најдобра актерка, а филмот оствари заработка од 445.3 милиони долари, на глобално ниво.

фото извор: vanityfair.com

На второто место е Џенифер Анистон, која во изминативе 12 месеци остварила заработка од 25.5 милиони долари. Освен стандардните улоги што ѝ носат очигледно одлична заработка, Анистон може да се пофали и со одличен прилив на прари од рекламите меѓу кои оние за Емиратската авиокомпанија, „Smartwater“, „Aveeno“, а тука е и линијата за нега на коса Living Proof, која ја продаде во декември 2016 година.

фото извор: independent.co.uk

Џенифер Лоренс пак, се спушти дури на третото место со остварена заработка од 24 милиони. Неколкуте филмски хитови, како и долгата „Диор“ соработка ја одржуваат во топ три.

фото извор:vogue.com

Листата понатаму изгледа вака:

4.Мелиса Мекартни - 18 милиони долари

5.Мила Кунис - 15.5 милиони долари.

6.Ема Вотсон - 14 милиони долари

7. Шарлиз Терон - 14 милиони долари

8. Кејт Бланшет - 12 милиони долари

9. Џулија Робертс - 11 милиони долари

10. Ејми Адамс - 11.5 милиони долари

Инаку, заедно, десетте најплатени актерки во периодот од први јуни 2016 до први јуни 2017 година заработиле 172.5 милиони долари.

Наскоро се очекува да се објави и листата со најплатените машки актери, па со тоа да се види колку изнесува разликата во заработувачката на машките и женските познати личности во Холивуд.

Објавено:
17 август 2017
Категорија: 
Актуел
Прочитано:
891 пати