Манекенките на Викторија Сикрет го „украдоа“ шоуто со нивните шик комбинации на годинешното доделување на CFDA наградите во Њујорк.

Марта Хант, Лаис Рибеиро, Лили Олдриџ, Ирина Шајк и Џиџи Хадид беа едни од највпечатливите со комбинациите во кои блеснаа на манифестацијата што се одржа вчеравечер.

Настанот, поддржан од Сваровски, се одржа во Музејот Бруклин, а како и секогаш, се случи шоу за паметење.

Сите девојки носеа прекрасен накит од брендот, а она со што оставија најголем впечаток беа нивните комбинации.

Прекрасна во бело беше манекенката Марта Хант, која одбра фустан со корсет и додаден материјал во продолжение во слична нијанса, а комбинацијата ја надополни со интересна шминка и бели сандали со висока потпетица.

На доделувањето на наградите се појави и шармантната Ирина Шајк која овој пат одбра жолт фустан со леопард принт и карнери, надополнет со едноставни сандали и црна чанта, а како и секогаш, таа изгледаше неодоливо.

Шармантна во бел тантелен фустан беше манекенката Лили Олдриџ која се одлучи за едноставна шминка и фризура по кои таа е и онака позната.

Се чини најголем впечаток остави секогаш прекрасната актерка Кејт Бланшет која во последно време е вљубена во женските костими, па и сега се појави во еден таков, овојпат комбиниран со интересно сребрено здолниште и црн додаток одозгора.

Модниот совет на дизајнери од Америка секоја година традиционално ги наградува најдобрите во модната индустрија, а така беше и годинава.

Меѓу наградените беа Ким Кардашијан, Наоми Кембпел, Дијан вон Фурстенберг, Каролина Херера и Донатела Версаче.

Објавено:
5 јуни 2018
Категорија: 
Актуел
Прочитано:
608 пати