Моделс Ин ги одбра новите заштитни лица

31 мај 2016

Викендов се случи завршната ревија или финалето на курсевите за модели во организација на модната агенција Моделс ИН.

По два месеци напорна работа, идните модели ги добија сертификатите и следствено на тоа, тие остануваат во агенцијата како нивни нови заштитни лица.

На завршната ревија идните модели мораа да покажат што научиле од нивните ментори Надица Георгиева и Алек Наумовски пред жирито кое ги оценуваше.

Во жири комисијата беа долгогодишните докажани модели од самата агенција меѓу кои и Ана Данчевска, Елена Гугоска и Павле Николовски, како и водителот Димитар Атанасовски.

Дел од девојките ќе влезат во големото финале за изборот „The look of the Year“ што ќе се случи за еден месец во Скопје.

Моделс ИН во соработка со Јелена Ивановиќ од Model Scouting Office веќе трета година по ред учествува со свои модели на овој престижен избор, каде девојките добиваат шанса да направат голема интернационална кариера и да потпишат договор се некоја позната модна агенција.

Објавено:
31 мај 2016
Категорија: 
Актуел
Прочитано:
3.294 пати