Пантон одлучи: Коралната е боја на 2019

15 декември 2018

Традиционално, Институтот за боја, „Пантон" во последните 20 години во декември објавува која боја ќе биде хит во претстојната година.

Минатата година тоа беше „Ultra Violet“, а за 2019 година изборот е „Living Coral“. 

Се работи за ведра и весела нијанса која дефинитивно ќе внесе живост во тмурните зимски денови и ќе биде една од омилените во летните месеци.

Living Coral е специфична нијанса на црвена, која според Институтот не само што ќе доминира на модните писти, туку ќе биде водечки тренд и во Индустријата за убавина, ентериерот...

Од Институтот велат дека оваа боја ја симболизира потребата за оптимизам, веселост, автентични и препознатливи искуства, кои пак, овозможуваат интимност и поврзаност.

Изборот на Боја на годината е процес кој бара внимателно разгледување и анализа на трендовите. Тоа е најчесто боја која ќе изврши влијание врз забавната индустрија, уметноста, модата, сите полиња на дизајнот, патувањата,ткаенините, текстурите, ефектите кои влијаат врз бојата...

Но, интересно е тоа што понекогаш бојата на годината не е и најпопуларната. На пример, минатата година Ultra Violet беше боја на годината, и беше прилично застапена, но не повеќе од земените нијанси - од минт до смарагните.

Објавено:
15 декември 2018
Категорија: 
Актуел
Прочитано:
852 пати