Младешка елеганција во новата колекција на „Каролина Ерера“

10 септември 2019

Модната недела во Њујорк за сезона пролет-лето 2020 е во тек, а меѓу првите што ја претставија новата колекција беше и брендот „Каролина Ерера“.

Вес Гордон и овој пат се потруди да ја одржи препознатливата естетика на модната куќа, а сепак да даде и свој печат. 

 

Така, пролетната колекција ја задржа елегантноста на која Каролина секогаш инсистираше во своите креации, но ѝ даде доза на лежерност, претставена и преку кроевите, изборот на материјали...

Белите кошули се секако задолжително парче, во комбинација со макси и миди цветни здолништа. Широките ремени се модниот додаток што ги поврзува речиси сите креации и што дава акцент на женствените делови на телото на жените - струкот и колковите.

Интересно беше да се види како карираниот принт функционира во пролетна колекција, а особено со потпис на оваа модна куќа, а Гордон покажа дека може да биде привлечен и младешки. Ако судиме по колекцијата, точкастиот принт ќе биде се уште актуелен и интересен за носење.

Последниот дел од колекцијата е резервиран за цветниот принт - кој секогаш е прва асоцијација на пролет. Очекувано, но сепак во склад волуменозни, а сепак лелеави креации.

Нас вниманието ни го привлекоа и класичните пролетни еднобојни мантили, како и кошула-фустаните кои секогаш се “ин“.

Со ова на Гордон му успеа да создаде колекција во која ќе се пронајдат дами од различни генерации. Погледнете:

Објавено:
10 септември 2019
Категорија: 
Колекции
Прочитано:
328 пати