Најубавите женски костими сезонава доаѓаат од хрватски бренд

9 мај 2018

Откако колекцијата црни костими беше прикажана на Bipa Fashion.hr, хрватскиот моден бренд Mateyaneira повторно нè радува со нови парчиња, овојпат во боја.

Брендот ја задржува строгата форма на кроевите, а нуди разни модели во јаки бои, неверојатно стилски и шик, совршени за посебни пригоди.

Во текот на нивната работа, дизајнерите од брендот сакаат да го потенцираат квалитетот на женските костими работени по мерка, комбинирано со суптилен сексапил.

Овојпат, колекцијата е инспирирана од стилот на 80 – тите и најдрагата модна икона од тоа време, принцезата Дајана, односно нејзиниот приватен стил одбележан со палта со нагласени рамена, женствени костими и панталони со висок струк.

За последната колекција, брендот сними и едиторијал на кој работеше познатиот хрватски фотограф Фрањо Матковиќ, а заштитно лице е убавата манекенка Лаура Квартуц.

По една година постоење, брендот конечно го отвора и своето прво студио в Загреб, каде ќе бидат изложени сите модели од досегашните колекции.

Извор и фото: Fashion.hr

Објавено:
9 мај 2018
Категорија: 
Колекции
Прочитано:
2.419 пати