Постои ли се' уште контроверзност во модните реклами?

14 август 2014

o-DIESEL-facebook

Не е тајна дека и модната индустрија честопати посегнува по контроверзност. Но, скандалозните денови на контроверзните реклами на Келвин, Аберкромби, Сен Лоран, Бенетон, Џени Мекарти и многу други, изгледа се веќе далеку зад нас.

 Некогаш тоа имало негативен ефект, а некогаш позитивен. Не беше контроверзноста она што ги уништи. Напротив, таа успешно ги вивна во јавноста. Независно дали со позитивни или негатнивни одѕиви, зголеменото присуство во медиумите беше успех.

Но, по преминот од шокантност и сексуалност во општествена свесност, модната индустрија сега достигна нова фаза: смиреност.
american-apparel-ad-amsterdam-nowopen-06

Некои вината ја бараат во медиумите. Од друга страна, не е дека постои недостаток на добри фотографии што би изработиле квалитетни содржини. Но, при анализирањето на пулсот на публиката за овие т.н. примерни кампањи, резултатот покажал дека тие се досадни.

Зачетникот на контроверзните реклами, Бенетон, не можел ни да претпостави каква ќе биде иднината на шокантните рекламни кампањи. Неговата храброст во тоа време му донесе строг надзор за тоа што ќе пласира во јавноста, што пак наиде на негодување кај публиката и купувачите. Од друга страна и покрај нечии негодувања, тие кампањи беа успешни и омилени затоа што ја креваа свесноста на публиката за важни социјални и општествени проблеми. Тие се осмелија да зборуваат и за ХИВ позитивните и за различноста на расите.

bum_2057994a

Оливиеро Тоскани е човекот што ги реализираше овие кампањи од 1982 до 2000-тата година.

-Ако фотографијата не провоцира, тогаш залудно сте ги фрлиле парите - вели Тоскани. Тој додава дека провокацијата е позитивна сила, па фотографиите што шокираат или провоцираат ги тераат и ги охрабруваат луѓето да размислуваат за светот и да бидат креативни.

Сепак и после Оливиеро, Бенетон продолжи во ист стил и со иста цел да ги прави кампањите. Во 2011-та лансираа кампања против омраза, вклучувајќи ги Обама, Хуго Чавез, Папата Бенедикт и други... Тоа им донесе огромна публика, а беа во првите пет трендовски брендови за таа година на Твитер и Гугл. Кампањата ја видоа преку 500 милиони луѓе, во преку 60 земји, во преку 4.000 текстови и 600 телевизиски појавувања во светот.

3676420-3x2-940x627

Тоа и донесе на компанијата 60 проценти повеќе Фејсбук обожаватели и преку 60 проценти зголемена посетеност на сајтот, само преку рекламата. Брендот потоа продолжи со нова, насловена како „Невработените на годината“, која беше нешто помалку популарно, но сепак не незабележана и помалку важна. Групата за која тие „прозбореа“ брои преку 100 милиони млади луѓе на возраст од 15 до 29 години.

Од друга страна пак, на Бенетон му успеа нешто што на некои други брендови не. Нивната порака беше секаде разбрана. Другите брендови создаваа реклами обоени со контроверзија, што можеби ќе биде разбрана да речеме во САД, но не и во Европа, или Азија.

controversial-ads

Дел од стручните лица за маркетинг, особено за оној во модната индустрија, сметаат дека големата достапност на рекламите преку социјалните и дигиталните медиуми ја намалува всушност нивната контроверзност, ефект и интересност, токму поради брзиот пристап. А тоа се одразува и на клиентите. Тие како да се „замрзнати“ од големиот број на избори.

Како и да е, повеќето се согласуваат дека деновите на Бенетон се готови, а се' поради тоа што живееме во страв. Исто така, поради социјалните мрежи се заборава на моќта на фотографијата во магазините, што се' уште може многу да испровоцира. А уште нешто на што се заборава е и имиџот, сликата на брендот.

united-colors-of-benetton-1-728

Брус Вебер пак, познат по феноменалните фотографии за рекламите на Келвин Клајн, Ралф Лорен, Версаче, никогаш не мислел дека всушност фотографира и создава контроверзни реклами.

-Кога луѓето ќе ми речеа „О, тоа е контроверзно или рискантно“, јас ќе се смеев. Не го гледав тоа. Имам многу нормален живот и тоа мене не ми изгледаше ризично. Кога работев за кампања на Келвин Клајн, многу од луѓето во неа беа мои пријатели, па и тогаш воопшто не размислував и гледав на тоа како ризично. Она од што сега се трудам да се држам по настрана е насилството. Има многу насилство во светот, а тоа е последната работа што треба да ја видите кога ќе отворите списание, ќе поминете покрај продавница или на Интернет - вели Вебер.

lg_76fc7c4e124515978329266

Треј Лиард, директорот на Laird + Partners, смета дека рекламата не мора да биде секогаш провокативна или контраверзна.

-Сметам дека тоа зависи од брендот. Да, на сите им е целта да бидат забележани и да се издвојат, но секоја од нив сепак треба да носи автентичност што ќе биде резултатот на карактерот на брендот - вели Лиард.

Тој додава дека кога веќе ќе го наметнете имиџот на бренд со шокантни реклами, како во случајот со Келвин Клајн, тогаш сите очекуваат од вас да го нудите тоа постојано. Сепак, и покрај тоа што многумина се обидуваат да го достигнат тој ефект, малкумина се оние што вистински провоцираат во модниот свет, а спорет Треј, тоа зависи од неколку фактори:

Gucci-ad-campaign-2003

-Првин има неколку храбри и визионерски настроени лидери, кои ја имаат самодовербата да застанат зад идеја или слика, или пак став на одреден бренд, наместо само за продукт. Многумина мислат дека се работи само за комерцијален пристап - покажување на чанта или фустан што ќе се продаде добро - и мислат дека тоа го гради брендот. Независно од тоа дали е провокативно или не, она што го гради брендот е чиста и постојана слика во главата на купувачот, со која може да се поврзе... Тоа му успеа на Том Форд со Гучи, за Клајн и не треба да се зборува. Повеќето од луѓето немаа визија или самоувереност да застанат и да го изнесат тоа пред светот - вели тој.

И на крајот потенцира дека, проблемот не е во медиумите. Тоа се само медиуми. Проблемот е во пораката која се праќа.

Имајќи го сето ова предвид, контроверзното денес се' повеќе станува еднакво на бизарно, без било каква порака или идентификација. А од друга страна, незадоволството на брендовите од перцепцијата кај публиката може да се бара и во се' помлата можност да препознаеме контроверзија, бидејќи она што порано се карактеризирало како такво и се истакнувало, денес е секојдневие.

Објавено:
14 август 2014
Категорија: 
Стории