Надвор уште студи, но тоа не значи дека не треба да изгледате добро. Одберете парчиња што ќе ве топлат, а ако ги имате вистинските работи на вас, ќе знаете дека понекогаш квалитетни хеланки со плетено здолниште или фустан многу повеќе топлат од класичен џинс.

Нашиот денешен предлог е токму еден таков плетен фустан во беж нијанса со ролка. Ние го комбинираме со високи чизми во тегет нијанса.

Комбинацијата ја комплетираме со капут со крзнени детали и интересно закопчување во горниот дел и чанта во тегет и црвени нијанси.

Капата и ракавиците ги нема на фотографијата, но секако без нив не излегувајте од дома!

Имајте убав вторник!

Објавено:
27 февруари 2018
Категорија: 
Стајлинг на денот
Прочитано:
530 пати