Бело чоколадо со вкус на портокал? - Може!

1 ноември 2019

Студените денови се како создадени за вкусни топли напитоци. Топлото чоколадо е едно нашите омилени, а денеска ви презентираме рецепт за едно со вкус на портокал. Малку поинаква варијанта на класичниот напиток, а со уште поубав вкус.

Еве што ви е потребно:

500 милилитри млеко

80 грама бело чоколадо

100 милилитри слатка павлака

4 лажици ликер од портокал

Подготовка:

Млекото ставете го на тивок оган и додадете ја слатката павлака и белото чоколадо (кое претходно сте го искршиле на коцки) додека не се стопи и сè стане мазна соединета смеса. Кога ќе забележите дека сте добиле таква смеса, чоколадото тргнете го од оганот и додајте го ликерот од портокал.

На крајот, ставете го топлото чоколадо во вашата омилена чаша, а напитокот можете да го украсите со какао, цимет, чоколадни трошки, шлаг или било што друго по ваша желба. 

Ако сепак преферирате класично топло чоколадо, повторете го рецептот со темно чоколадо.

Уживајте!

 

Објавено:
1 ноември 2019
Категорија: 
Вкусно
Прочитано:
233 пати