Викенд рецепт: Брза чоколадна торта без брашно

23 ноември 2019

На сите ни се случило ненадејно да ни се најават гости и во тие моменти да ни е потребен брз рецепт што ќе ги воодушеви.

Денес имаме еден таков - чоколадна торта без брашно, а потребни ви се само неколку состојки.

Погледнете:

фото: realsimple.com

Состојки: 175 гр. темно чоколадо; 7 јајаца; 140 гр. путер. По желба уште 100 грама чоколадо и 200 гр. слатка павлака или кесичка шлаг.

Подготовка:

-Рерната загрејте ја на 130 степени. Калапот за торта обложете го со хартија за печење.

-Чоколадото искршете го на коцки, стопете го на пареа, а кога ќе се стопи цело, во смесата ставете ги коцките путер. Мешајте додека и тие не се растопат, а смесата не стане компактна.

-Жолчките изматете ги пенасто, а потоа со лесно мешање додадете ги во изладената смеса од претходно.

-Во друг сад, изматете ги белките во цврст снег, па лажица по лажица додавајте ги во претходната смеса. Мешајте нежно, додека смесата не стане компактна.

-Потоа, истурете ја во калупот и прекријте со фолија. Калапот ставете го во поголем сад за печење. Поголемиот сад наполнете го со врела вода, отприлика до половина од калапот. 

-Печете околу 25 минути, додека површината не стане крцкава кора, а средината мека. Оставете да се излади и украсете со овошје по желба или со какао. Можете и да ја изматите слатката павлата со претходно стопеното чоколадо и да ја ставите глазурата одозгора и да оставите да се стегне. 

Погледнете неколку предлози за декорација:

фото: taste.com.au

фото: goodhousekeeping.com;

фото: twopeasandtheirpod.com

 

 

 

 

Објавено:
23 ноември 2019
Категорија: 
Вкусно
Прочитано:
1.750 пати