Масивни флорални венчиња – пролет во вашата коса

6 мај 2016

Украсите за коса го имаат приматот помеѓу модните додатоци оваа пролет. А веќе неколку сезони наназад, флоралните венчиња се помеѓу омилените аксесоари со кои и наједноставниот, секојдневен изглед добива магична завршница.

Оваа пролет цветовите се уште повпечатливи, помасивни, шарени, комбинирани со различни техники на изработка од различни материјали.

Некои од дизајнерите, како што е Дајан фон Фурстенберг, ни предложија да ги носиме цветовите асиметрично, со акцент на едната страна од косата, Долче и Габана пак не штедеа на бои и дизајнираа колоритни венчиња со огромни цветови, а Зухаир Мурад креираше цветни венчиња во металик варијанти.

Носете ги во секоја прилика од комбинација на лежерен, бохо дневен аутфит до свечени комбинации за посебни прилики, секако ќе бидете забележани.

 

Објавено:
6 мај 2016
Категорија: 
Модни додатоци
Прочитано:
532 пати