Очилата со футуристички дизајн се летен фаворит

19 мај 2016

Еден од омилените аксесоари на кои дизајнерите посветуваат особено внимание се очилата за сонце.
Футуристичката тематика во креирањето на новите линии очила за сонце продолжува и оваа година, па како и минатата сезона, изборот на очила со футуристички дизајн ќе биде огромен.

Моделите од новата колекција очила Tuttolente на италијанскиот бренд „Retrosuperfuture" ги карактеризира токму таков еклектичен, футуристички израз. Минималистички, функционални и со карактер, овие очила за сонце се изработени рачно и со својот дизајн потсетуваат на детали од научно-фантастичните филмови.

Покрај црниот модел, очилата се достапни и во неколку варијанти на интензивни бои со што оставаат дополнителен впечаток, а нивната цена се движи од 199 до 239 евра.

 

Објавено:
19 мај 2016
Категорија: 
Модни додатоци
Прочитано:
436 пати