Бекамови слават 18 години брак

4 јули 2017

Познатата двојка Викторија и Дејвид Бекам денеска ја прославува 18-годишнината од нивниот брак.  Во  1999 година, тие одлучија да стапат во заедница, а низ годините се соочуваа со многу предизвици и тоа пред очите на јавноста.

Сепак, денес важат за една од најстабилните двојки во шоу-бизнисот. Родители се на четири деца, а и можат да се пофалат со и повеќе од успешни кариери.

По повод оваа годишнина, која изгледа освен нив ја „прославуваат“ и светските медиуми, ние се потсетуваме на тоа како изгледаа Викторија и Дејвид и нивната свадба пред 18 години:

фото извор: teenybopperdotcom.tripod.com

Според тогашните пишувањата на медиумите, двојката за свадбата потрошила неверојатни 800.000 долари. Церемонијата се одржа во замокот Латрелстаун во Ирска. Поради екстравагантноста на целиот настан, луѓето коментираа дека се работи за кралска свадба.

На веселбата присуствуваа околу 230 гости, меѓу кои колегите на Дејвид од „Манчестер Јунајтед“ и Елтон Џон, кој требаше да ги забавува присутните, но поради срцевиот удар што го имаше претходно, не беше во можност да им ја исполни таа желба.

Наместо свадбени подароци, Дејвид и Викторија од гостите побараа да добијат ваучери за купување.

Свадбата се памети и по тоа што не беше дозволено никакво присуство на новинари. Замокот беше совршено обезбеден, а после големиот ден, двојката одлучи ексклузивните фотгорафии и интервју да ги даде за магазинот „ОК“.

фото извор: todayfm.com

Ако треба да се избере еден збор за да се опише оваа свадба, тогаш би го избрале раскош. Додека ги разменуваа заветите, ѕвездите седеа на златни престоли, а беше пуштен и гулаб како симбол на нивната љубов. На свадбата имаше и огномет, огромна торта, девојчиња облечени како ангели задолжени за фрлање на ливчиња од рози, виолетов килим по кој двојката чекореше...

фото извор: Pinterest

За официјалната церемонија, Викторија носеше гламурозна венчаница дизајнирана од „Вера Ванг“ и 18-каратна златна круна од дизајнерот Слим Барет. Дејвид носеше одело во боја на слоновата коска. Кога се венчаваа, тие веќе го имаа синот Бруклин.

фото извор: newjerseybride.com

"Дијадемата беше изработена по нарачка и никогаш не е направено нешто слично. Уникатна е. Многу ѝ се допадна колекцијата 'Источно од Париз', па ги избравме елементите што таа ги сака и ги обединивме во уникатен дизајн.", изјави своевремено Барет за "Телеграф".

фото извор: teenybopperdotcom.tripod.com

Но, тоа не беше сè. За забавата тие повторно беа усогласени и тоа во виолетови креации. Од денешна перспектива, Дејвид не е многу воодушевен:

-Тоа беше премногу впечатливо и смео. Викторија изгледаше убаво, но јас не знам што си мислев тогаш. Изгледав како ликовите од „Глупав и поглупав“ кога одат на забава во оние смешни костими. Дури имав шапка во виолетова боја. Неверојатно! – изјави Бекам за „Венити Фер“ во јануари годинава.

фото извор: Instagram

фото извор: Pinterest

фото извор: teenybopperdotcom.tripod.com

фото извор: teenybopperdotcom.tripod.com

фото извор: teenybopperdotcom.tripod.com

По венчавката, двојката замина на меден месец на Бора Бора, а потоа и на југот на Франција.

-Многу пари потрошивме на првата венчавка, бидејќи тогаш така се правеше. Но, оттогаш ги обновивме заветите и тоа го направивме во многу поинтимна атмосфера, со шест луѓе во нашиот двор. И за сите што мислат дали сме заедно бидејќи станавме бренд ќе кажам дека секако одговорот е не. Ние сме заедно затоа што се сакаме и имаме неверојатни четири деца – истакна Дејвид во истото интервју со магазинот.

фото извор: Instagram

фото извор: Instagram

фото извор: Pinterest

фото извор: Pinterest

фото извор: Pinterest

фото извор: Pinterest

Објавено:
4 јули 2017
Категорија: 
Сцена
Прочитано:
2.285 пати