Гламурозно издание на Џеј Ло во пастелно сина на забавата на Guess

1 февруари 2018

Во тесен пастелно син фустан, Џенифер Лопез го украде вниманието на забавата на брендот Guess, чие и заштитно лице е на последната кампања.

Очекувано фустанот е од истиот бренд, а таа го искомбинира со крзнена бунда во истата нијанса. Да биде гламурот уште поизразен, одбра дијамантски накит.

Белата клач чанта и чевлите во беж нијанса со транспарентни делови ја дополнија комбинација. Многумина ги изненади и фризурата на пејачката. 

Најчесто ја гледаме во совршени пунџи или пуштена коса, но овој пат одлучи да ја собере и да ги пушти кадриците нанапред.

На забавата се појави во друштво на својот партнер, Алекс Родригез, кој за оваа пригода се одлучи за темносино кадифено сако, бела кошула и темни панталони и чевли.

Мислењата околу изгледот на Џенифер се поделени. Некои сметаат дека изгледа неверојатно гламурозно и префинето, додека други сметаат дека пастелните бои не се баш најдобар избор за неа.

Што мислите вие?

Објавено:
1 февруари 2018
Категорија: 
Сцена
Прочитано:
2.020 пати
Извор: 
daily mail