Принцезата Шарлот наполни две години!

2 мај 2017

Прекрасна нова фотографија на која можеме да ја видиме преслатката принцеза Шарлот по повод нејзиниот втор роденден, деновиве го разубави Интернет просторот.

Фотографијата ја направи нејзината мајка Кетрин Мидлтон, а со истата принцот Вилијам и војвотката и го честитаа роденден на нивната слатка ќеркичка.

Истата била направена во нивниот дом во Норфолк минатиот месец, а малата Шарлот изгледа послатко од кога и да е во жолто џемперче со овци како апликации и сина шноличка во косата.

„Принцот и војвотката сакаат да им се заблагодарат на сите за прекрасните желби и честитки по повод роденденот на принцезата Шарлот. Се надеваме дека и вам ќе ви се допадне оваа фотографија како што тоа беше случај со нашето семејство“, стоеше напишано под објавената фотографија.

Ова е трета официјална фотографија од малата принцеза Шарлот, покрај оние од јавните појавувања со нејзиниот брат Џорџ и кралското семејство.

Она што е и повеќе од очигледно е колку таа е порасната и колку всушност почнува да наликува на нејзината мајка, особено на оние фотографии од нејзиното детство.

Слатката принцеза Шарлот Елизабет Дијана пред себе има месец полн со свечености, а на 20 – ти мај се очекува да се појави како деверица на свадбата на нејзината тетка Пипа Мидлтон.

Објавено:
2 мај 2017
Категорија: 
Сцена
Прочитано:
1.740 пати