Зошто Меланија Трамп носеше бела шапка?

25 април 2018

На вториот ден од посетата на САД на францускиот претседател Емануел Макрон и неговата сопруга Брижит, Меланија Трамп се чини го задржа сето внимание.

Фото: Business Insider

Имено, на средбата таа се појави во фантастичен бел костим од Мајкл Корс, комбиниран со голема бела шапка специјално изработена од нејзиниот стилист Херв Пјер.

Социјалните мрежи беа преполни со фотографии на кои корисниците ја споредуваа Меланија Трамп со ликот на Џад Ло од серијата „Младиот папа“, други со Бијонсе во видеото „Formation“, а некои пак со ликот на Оливија од серијата „Скандал“.

Фото: Harper's Bazaar

Ванеса Фридман од „Њујорк тајмс“ има добро објаснување зошто е тоа така.

„Оваа споредба се чини е најсоодветна или можеби најинтересна. Кога Оливија ја носеше белата шапка во серијата, таа секогаш сакаше да покаже дека е една од добрите луѓе“, вели модната уредничка.

Фото: Cnn

Меѓу синонимите на белата шапка се добрината, восхитот, честа...На Дивиот запад, добрите момци носеле бели шапки, додека лошите црни. Денеска се чини, се случува истото.

Можеби пак, на првата дама на САД едноставно и се допаднала шапката и решила да ја комбинира со беспрекорниот Мајкл Корс костим, кој патем, и прилегаше совршено.

Фото: In Style

Имено, белата боја е омилена на Меланија Трамп. Досега многупати можевме да ја видиме во бели парчиња во кои како и секогаш, изгледа одлично.

Си-Ен-Ен пишува дека белата боја го симболизира правото на глас на жените, независноста, славењето на себеси.

Фото: Popsugar

Се чини токму тоа и сакаше да го покаже првата дама на САД. Тивко, со само еден потег да покаже дека навистина вреди, дека ги подржува жените, дека е независна и покрај се и сосема на крај, дека совршено и прилега бело!

Фото: NY Times

 

Објавено:
25 април 2018
Категорија: 
Сцена
Прочитано:
2.869 пати