Хелен Мирен и Енди Мекдауел одржаа лекција на црвениот килим во Кан

20 мај 2019

На актуелното 72. издание на Канскиот филмски фестивал, вчера се случи и премиерата на „The Best Years of Life“, во која главните улоги ги толкуваат Хелен Мирен, Енди Мекдауел и Искра Лоренс.

Токму тие и го освоија вниманието на присутните и медиумите.

Хелен (73) и Енди (61) позираа заедно на црвениот килим и им одржаа лекција на многу помлади колешки. Не само што изгледаа совршено, туку и беа фантастично расположени и ја распространија својата позитивна енергија, за што сведочат и фотографиите. 

Нивното појавување беше забележано и поради модните комбинации. 

Енди се појави во ултра шик комбинација која подразбира сиви широки панталони и асиметричен топ, кој има долга опашка. Креацијата е од дизајнерот со македонско потекло Тони Матичевски и актерката одлично ја носи.

Од друга страна, Хелен Мирен изненади со промената на бојата на косата. Актерката се појави со пастелно розова нијанса на косата, а токму во таа нијанса е и фустанот од Ели Сааб украсен со златни светки. Деколтето е асиметрично и Мирен изгледа одлично!

И двете уште еднаш покажаа дека годините навистина не се ништо, дека негата на духот и телото е најважна!

 

Објавено:
20 мај 2019
Категорија: 
Sweet 40+
Прочитано:
4.592 пати