15 тенденции за сезоната пролет-лето 2013

7 мај 2013

Шари инспирирани од Азија, пруги и квадрати, стилот од 60-тите години се само неколку од трендовите забележани во колекциите за следната сезона.

 

60-ти

Луј Витон/ Москино/ Мајкл Корс Луј Витон/ Москино/ Мајкл Корс

Сезоната пролет-лето 2013 дочекајте ја облечени во смели парчиња со техниколорни шари од колекциите на Луј Витон, Мајкл Корс и Москино кои оддадоа призанине на стилските икони од 60-тите години Твиги, Франсоа Харди и Џејн Биркин преку мини-здолништа, фустани со А-линија, графички коцки, лакирани чевли, интензивни бои и деликатни мотиви.

 

Пруги 

Долче и Габана/ Балман/ Марк Џејкобс Долче и Габана/ Балман/ Марк Џејкобс

Оваа пролет сѐ е во знакот на линиит екои ги има во секакви форми – тенки или дебели, минималистички или психоделични, и кои овозможуваат графичка силуета. Во однос на боите, најзастапени се црно-белите комбинации, но се среќаваат и решенија со црвени,зелени и сини линии.

 

Коцки

Марк Џејкобс/ Балман/ Луј Витон Марк Џејкобс/ Балман/ Луј Витон

По прикажувањето на ревијата на Луј Витон, главниот дизајнер на брендот, Марк Џејкобс, изјави дека инспирација за пролетната колекција нашол во делата на уметникот Даниел Бурен, а коцкестите шари кои прават чувство на оптичка илузија се среќаваат и во линијата на Марк Џејкобс и кај Балман.

 

Ориентален принт 

Етро/ Емилио Пучи/ Прада Етро/ Емилио Пучи/ Прада

Традиционалните источни шари сезонава се интрпретирани на модерен западен начин преку колекциите инспирирани од Азија во кои се употребени предзнаци позајмени од иконографијата на Ханој, Пекинг и Токио. Откријте ги мотивите на змеј, лотусов цвет, хибискус и божури кои доаѓаат од другата страна на светот и аплицирајте ги во вашата нова облека.

 

Смокинг 

Ланвин/ Диор/ Селин Ланвин/ Диор/ Селин

Играта со машки и женски елементи и понатаму продолжува да ги инспирира дизајнерите кои му се навратија на овој класичен тренд.

 

Карнери

Клое/ Гучи/ Живанши Клое/ Гучи/ Живанши

Креаторите употребија набори за да ја омекнат строгата правоаголна силуета и да создадат сензуален ефект. Во колекциите на Гучи и Живанши видовме примери на суптилно вметнување на карнери позиционирани најчесто околу вратот, на ракавите и околу половината.

 

Хаваи 

Проенза Скулер/ Изабел Марант/ Кензо Проенза Скулер/ Изабел Марант/ Кензо

За тропски шмек потребен ви е принт со рајски птици, цветови од хибискус и палмини листови. Често спомнувани во лоша и нестилска конотација (хавајка- кошула!), дизајнерите покажаа дека шарите инспирирани од овој егзотичен остров може да изгледаат модерно.

 

Сафари

Емпорио Армани/ Кензо/ Макс Мара Емпорио Армани/ Кензо/ Макс Мара

Креаторите ве носат на уште едно модно патување, овојпат во Африка, а за таа авунтура ви се потребни парчиња во сафари-стил.

 

Кимоно

Гарет Пју/ Хајдер Акерман/ Прада Гарет Пју/ Хајдер Акерман/ Прада

Од самураи до гејши, оваа модна сезона може да се забележи значајно влијание од Јапонија, а авторите во колекциите прикажаа неколку верзии на реконтруирано кимоно.

 

Металик ткаенини

Бурбери/ Диор/ Жан Пол Готје Бурбери/ Диор/ Жан Пол Готје

Без разлика дали се работи за светкав мантил кај Бурбери или корсетиран фустан во неколку различни метализирани нијанси, пролетва употребете материјали со заслепувачки сјај.

 

Плисирано

Клое/ Стела Макартни/ Рошас Клое/ Стела Макартни/ Рошас

Од романтично плисирано здолниште кај Валентино преку дискретните набори кај Стела Макартни, до волуменозното и лелеаво плисе кај Клое, плисираните ткаенини се еден од важните трендови за женствен изглед во оваа сезона.

 

Точки

Џорџо Армани/ Шанел/ Хајдер Акерман Џорџо Армани/ Шанел/ Хајдер Акерман

Модата направи омаж на точкестиот фустан што Одри Хепберн го носи во легендарниот филм од 50-тите „Сабрина“, евоцирајќи женствена деликатност и софистициранот што со задоволство ќе ги примениме во следната сезона. Класичните црно-бели туфни се ултимативен детаљ со кој дури и минималистичката комбинација ќе ја направите да изгледа драматично.

 

Златни светки

Фенди/ Сен Лоран/ Ралф Лорен Фенди/ Сен Лоран/ Ралф Лорен

Свечен фустан од златни пулејки и јакна со опточена со метални парчиња, пролетната облека е украсена со светки.

 

Близначки

Жулиен Давид/ Луј Витон/ Џорџо Армани Жулиен Давид/ Луј Витон/ Џорџо Армани

Големите дизајнерски имиња за време на своите последни модни ревии одлучија на пистата да испратат по две манекенки во исто време со скоро идентичен стајлинг.

 

Реси

Нина Ричи/ Ботега Венета/ Версаче Нина Ричи/ Ботега Венета/ Версаче

Од чарлстон-фустаните типични за џез-ерата од 20-тите  до диско кралиците од 70-тите, акцентирањето со реси ќе доживее камбек оваа пролет.

 

 

Објавено:
7 мај 2013
Категорија: 
Тренд