Како го носиме омиленото карирано сако?

1 февруари 2018

Безродовите парчиња облека се сѐ попопуларни во контекст на современите модни текови. Вообичаено се комбинираат во минималистичка целина што вклучува суптилни или строги линии и монохроматска палета.

Сако позајмено од „машкиот" плакар, предимензионирано и со чисти линии, е едно од омилените парчиња на современите жени што го преферираат овој стил.

Истовремено ова е парче кое карактеризира моќ и авторитет, а е лесно за комбинирање со остатокот од гардероберот.

Секогаш е вистински избор за вашиот деловен аутфит, па идеално ќе го вклопите со црна ролка и црни панталони или со кошула и здолниште.

Но, во уличната мода гледаме едно ново лице на карираното сако: спортско, авангардно, урбано... Тука модната слика е поинаква, па така често низ фотографиите од уличната мода ќе сретнете комбинација на карирано сако со блузон со качулка или во спој со „boyfriend" џинс и чизми до глужд.

Една од најактуелните комбинации е онаа со нагласен струк со ремен.

Како се носи карираното сако во актуелните стилски изданија, погледнете во фото галеријата.

Фото извор: Пинтерест

 

Објавено:
1 февруари 2018
Категорија: 
Тренд
Прочитано:
1.210 пати