Тренд аларм: Син костум за стилски пролетни денови

23 мај 2019

Пролетта е во полн ек, но сè уште има денови кога дождот носи ниски температури, но тоа никогаш не е причина да не одбереме стилска комбинација.

Оваа сезона женските костуми се апсолутен хит, па денеска ви предлагаме токму таков составен од кусо палто и здолниште со впечатливи копчиња.

Костумот ние го комбинираме со едноставна бела памучна маичка која е сосема доволна за да го надополните и онака стилскиот избор.

Станува збор за костим од малку подебел материјал, кој е како создаден за овој преоден период од годината кога не знаеме какво време нè очекува во текот на денот.

Секако, парчињата можеме да ги носиме и самостојно, па така доколку почувствувате потреба можете да го носите здолништето со маичката, а палтото да го оставите за постудени денови.

Костумот ние го надополнивме со впечатливи сини чевли на ниска потпетица и обетки во малку поразиграни нијанси.

Уживајте во пролетта и бидете уникатни секој ден!

Комбинација: Fashion Group Macedonia

Стајлинг: Fashionel.mk

Костум, маичка, чевли: Mango

Обетки: Parfois

Модел: Татјана Јанушева

Модна агенција: Моделс Ин

Фризура и шминка: Елена Лука

Локација: Cherry Orchard

Објавено:
23 мај 2019
Категорија: 
Тренд
Прочитано:
2.112 пати