Тренд аларм: Уникатен топ и џинс комбинација за лежерни излегувања

17 октомври 2019

Понекогаш, сè што ни треба е некој стилски топ за да нѝ ја украси комбинацијата составена од џинс и чизми, а ние денеска ви претставуваме еден таков.

Станува збор за плетен топ во црна нијанса проткаен со светкав конец, а истиот совршено ги надополнува светлите фармерки со висок струк.

Комбинацијата е како создадена за лежерните излегувања или пак забавите на кои сакате да блеснете, а сепак да се чувствувате удобно.

Во оваа преодна сезона, комбинацијата можете да ја надополните со оваа ретро, а истовремено безвременска тексас јакна обложена со крзно како една од омилените секоја сезона.

Џинсот и топ блузичката одлично се надополнуваат меѓусебе, но ако им ги додадете и овие кожени чизмички на висока потпетица, тогаш имате полн погодок.

Фармерките и јакната се нешто безвременско во кое вреди да инвестирате било која сезона, а топ блузичката нешто што едноставно мора да го имате во плакарот.

Комбинација: Fashion Group Macedonia

Стајлинг: Fashionel.mk

Џинс, јакна: Levi’s

Топ, чизми: Mango

Фризура и шминка: Елена Лука

Модел: Веда Евтимова

Модна агенција: Моделс Ин

Објавено:
17 октомври 2019
Категорија: 
Тренд
Прочитано:
602 пати