12 протеински оброци за бремени жени

16 март 2016

Веројатно за време на бременоста речиси секој околу вас ќе ви каже дека треба да јадете за двајца, но она на што единствено треба да посветите внимание, е внесувањето на доволно витамини и протеини.

Токму тие јадења ќе ви овозможат постојано да бидете полни со енергија, заситени, а на вашето бебенце ќе му овозможат здрав раст и развој додека ужива во вашиот стомак.

Секако, ова не значи дека понекогаш нема да смеете да се почестите со омилениот калоричен и не толку здрав десерт, но обидете се во секојдневната исхрана да ги внесете овие оброци и намирници кои покрај тоа што се превкусни, исто така се супер здрави.

Уживајте во убавината на овие порции од кои нема да можете да се заситите!

1.Паста со домати и зеленчук – супер брза подготовка, полна протеини!

2.Здрава пица – Превкусна пица од пченкарно брашно со домати, пармезан, кромид, црвени пиперки и лешничиња!

3.Зеленчук на скара со сос од лимон и нане – Доколку на ова му додадете и некое парче сирење, тогаш во чинијата имате сѐ што може да се посака.

4.Сладок компир со авокадо и јајце – Откако ќе ги сварите, наполнете неколку слатки компири со парчиња авокадо и спанаќ и одозгора ставете едно пржено јајце.

5.Бургер со соја и црни домати – Кога ќе почувствувате вистински глад, направете си бургер од црно лепче во кој ќе ставите црни домати, сос од домати и ќофте од соја.

6.Чорба од „златна мешавина“ – На веќе постоечката „златна мешавина“ додадете и црвен грав, малку сос од домати и магдонос и го имате совршениот ручек!

7.Житарки со јогурт и јајце – Оваа протеинска чинија дозволете си ја за појадок, откако на омилените житарици со јогурт ќе им додадете едно јајце и супер здрави семиња...

8.Лосос на сите начини – Покрај тоа што е една од највкусните риби, лососот има највисока содржина на протеини по грам од сите риби!

9.Пилешко во сос од портокал – Следниот пат кога ќе посакате пилешко со бел ориз, додајте и малку сос од портокал што ќе го направите на ваш начин за екстра вкус и витамини во чинијата!

10.Салата од црвен грав, брокули, авокадо и печени компири – Па што друго да се каже за оваа порција преполна витамини и протеини!?

11.Супа од спанаќ – На вашето стандардно мени супи и чорби, задолжително додајте ја и онаа од спанаќ како еден од зеленчуците преполно со железо и протеини.

12.Ќофтиња од тиквици и пармезан – На чинија полна исечкани моркови на ленти, поставете неколку ќофтиња од тиквички и одозгора наросете пармезан...

Објавено:
16 март 2016
Категорија: 
Убавина
Прочитано:
3.154 пати