Две венчавки не беа доволни – трета свадбена церемонија на Кортни Кардашијан и Тревис Баркер во Портофино

•

23 мај 2022

Кортни Кардашијан и Тревис Баркер уживаат во својата љубовна врска, но исто толку уживаат и во вниманието на јавноста.

Парот веќе два пати ја официјализираше својата врска: првото ДА Кортни го кажа во Лас Вегас, а потоа во Калифорнија направија и официјална свадбена свеченост.

Викендов пак, тие организираа уште една, трета по ред, а воедно и најскапа и најлуксузна до сега свадбена церемонија.

Во присуство на семејството Кардашијан, поширокиот круг на семејството и блиски пријатели, Кортни и Тревис уште еднаш си кажаа ДА.

И двајцата беа стилизирани во Долче и Габана. Кортни ја продолжи неконвенционалната стилска приказна од претходните две церемонии и овој пат одбра мини-корсетирана венчаница со долг вел во чиј дизајн со религиска конотација, главен акцент е ставен на ликот на Богородица, додека пак Тревис се одлучи за покласична варијанта – црно одело со пеперутка машна.

Модна интерпретација на религијата е нешто што им даде уште поголема препознатливост на модното дуо Долче и Габана, па неслучајно Кортни ги одбрала токму нив за да и дадат целина на нејзината замисла.

Претходно Кортни предизвика различни полемики во јавноста и се коментираше нејзиниот избор на мини-корсетирана црна венчаница со ликот на Богородица, потег што многумина го посочија како бизарен.
Но, тоа не ја спречи Кортни во ексцентричниот пристап кон нејзината идеја за совршена свадбена свеченост.

А кога сме кај совршеност, амбиентот во кој се одржа прославата е навистина магичен. Младоженците ја одбраа благородничката резиденција Кастело Браун, како место кое ќе сведочи за овој посебен момент во нивниот живот.