Досега необјавени фотографии од Џим Морисон

Деновиве низ медиумскиот простор се појавија досега необјавени фотографии од легендарниот Џим Морисон кој беше пронајден мртов на трети јули 1971 – ва година во неговиот изнајмен стан во Париз.

За фотографиите што беа објавени се вели дека се направени само една недела пред смртта на музичката легенда кога тој уживал во друштвото на неговата сакана Памела Курсон и нивниот пријател Алан некаде на северот на Париз.

Таа недела тој уживал во долгите осамени прошетки низ Париз, но поминувал и доста време со Памела и пријателите.

Неколку дена подоцна, тој бил пронајден мртов во бањата во станот во Париз, а без да се направи обдукција, било посочено дека причината за смртта биле проблеми со срцето, иако информациите велат дека тој се предозирал.

Фотографиите сведочат за фактот дека Џим Морисон беше и ќе остане една од најголемите модни икони во музичкиот свет.

9 август 2016