Еклектична улична мода во Лондон

Вчера заврши модната недела во Лондон, која зад себе остави да се сумираат импресиите од она што јавноста имаше можност да го види на писта, но и низ лондонските улици.

А таму се случуваше вистинската модна драма: микс на стилови, шаренило од бои, и комбинации од парчињата од омилените дизајнери во уличната мода како Москино, KTZ, Валентино, Фенди...

Особено актуелни се принтовите со различни натписи аплицирани на палтата, џинс јакните, фустаните па дури и на чевлите. Модните додатоци секогаш имаат посебен фокус во уличната мода, а сезонава хит се мини чантите за преку рамо, рамните чевли на платформи како и патиките со метален сјај.

24 февруари 2016