(Фото) Амал Клуни полни 44 години: Стилско созревање низ годините на познатата адвокатка

Амал Клуни, една од највлијателните адвокатки за човекови права, со Џулијан Асанж и Јулија Тимошенко на листата со клиенти, денеска го слави 44-от роденден.

Покрај успешната адвокатска кариера, Амал се наметна и како модна икона меѓу деловните жени. Секако со право.

Оваа дама „во панталони" секојдневно илустрира женственост и стил во деловниот свет. Одмерена, но не и монотона, софистицирана, а истовремено и урбана, умешно го потенцира индивидуализмот и во моден контекст.

Смела е и во изборот на бои и принтови, па и аксесоари. Често може да ја видиме со шапка, масивни очила или елегантни ракавици во стилот на стариот Холивуд.

Совршено му парира на Џорџ Клуни, во секоја, па и во модна смисла.

Фото: Пинтерест

3 февруари 2022