(Фото) Ана Винтур – првата дама на модата денеска полни 73 години

Првата дама во модниот свет, уредничката на американскиот Вог, Ана Винтур, денеска го слави 73-от роденден.

Застана на водечката позиција во етаблираниот магазин во 1988 година и од тогаш ги смени правилата на игра и постави нови стандарди во модниот свет.

Стана препознатлива по мистериозниот изглед зад темните предимензионирани очила за сонце и боб фризурата која ја носи повеќе од 30 години како нејзин заштитен печат.

„Ако модата имаше претседател, тоа ќе беше Ана Винтур" се вели во еден напис на магазинот Business of fashion, а ние не можеме повеќе од ова да се согласиме.

Во чест на нејзиниот роденден, издвоивме дел од многуте нејзини стилски јавни појавувања.

3 ноември 2022