Фото: Матурантите танцуваа на плоштад!

Традиционално како и секоја година, на плоштадот Македонија денеска точно напладне танцуваа матурантите од повеќе училишта.

Во 12 часот беше воспоставена врска со Радио Словенија од каде се слушнаа звуците на Штраусовата композиција „Лилјакот“ по што матурантите и официјално започнаа да танцуваат.

Пред почетокот на танцот, на матурантите им се обрати градоначалникот на Скопје Петре Шилегов, а по завршувањето на матурската парада, имаше и забавен дел со музички гости.

Оваа година покрај Македонија, дел од матурската парада беа и околу 60 тина други градови од Босна, Бугарија, Словачка, Словенија, Србија, Турција, Унгарија, Хрватска и Црна Гора.

Во галеријата погледнете дел од атмосферата денеска на плоштадот Македонија.

18 мај 2018