Фото: Отворено четвртото издание на Fashion & Lifestyle Expo

Прегрнати под темата #Градот, сите вкусови на уметноста по четврти пат се обединети во рамките на урбаниот евент Fashion & Lifestyle Expo, што стартуваше вчеравечер на традиционалната локација – Македонската опера и балет.

Во програмата на настанот се вклучени над 40 учесници од различи креативни сектори, распределени на 5 сцени, 7 изложби, како и многу музика во вечерните часови.

На првиот од вкупно трите дена, фоајето на МОБ беше исполнето со шаренило од различности, уметнички творби, модни дизајни на млади дизајнери, иновативни творби, вкусни закуски, со пријатна музичка позадина – и сето тоа кружи околу едно главно тежиште, #Градот Скопје.

Преку фотографии ви пренесуваме како си поминавме ние вчера на отворањето, а доколку ја пропуштивте првата вечер, денеска (21 март) и утре (22 март) имате можност да уживата во богатата програма на настанот (што може да ја погледнете на овој линк).

21 март 2019