(Фото) Стилот на Риз Витерспун како инспирација за пониските жени – денеска го слави 46-от роденден

Оскаровката и ѕвезда на „Legally Blonde", „Walk the Line", „Hot Pursuit", холивудската актерка Риз Витерспун, денеска го слави 46-от роденден.

По тој повод направивме преглед на нејзиниот стилски прогрес низ годините, вклучувајќи ги нејзините појавувања на црвениот килим, но и нејзините неформални секојдневни комбинации.

Со оглед на тоа дека Риз има поситна градба и не е многу висока, нејзиниот стил може да послужи како инспирација и за пониските дами.

Интересно е што во нејзиниот неформален имиџ, најчесто вклучува миди фустани или такви со должина над колена и здолништа со висок струк, за визуелно да ја издолжи фугурата. Најчесто нејзините комбинации се комплетирани со високи потпетици, но во полежерни варијанти, често фотографите може да ја забележат и во патики.

На црвениот килим важи за една од најдобро облечените актерки. Во овој случај, Витерспун најчесто бира елегантни, макси тоалети што ја следат линијата на телото, еднобојни и со впечатлив детаљ во горниот дел.

Во фото галеријата следуваат инспиративни стилски изданија на филмската ѕвезда.

22 март 2022