Историски музички спектакл – Стинг ја воодушеви публиката!

Вчеравечер легендарниот британски музичар Стинг одржа концерт во Скопје кој во нашата музичка историја ќе биде запишан како еден од најспектакуларните. Публиката што беше присутна во арената „Борис Трајковски" сведочеше за светски музички настан на кој е привилегија да се присуствува.

„Дека во Македонија нешто се менува, доказ е што вечерва Стинг успеа медиумски да поклопи таква машинерија каква што се изборите! Јас не очекував дека ќе доживеам такво нешто! Поради тоа, ветувам историски број на концерти, и тоа на артисти што не сте можеле ни да замислите дека ќе ги видите овде, за 25 години Авалон Продукција во 2018-та!", напиша на својот профил на фејсбук непосредно по завршувањето на концертот, сопственикот на Авалон продукција, Бобан Милошески.

Во галеријата погледнете дел од атмосферата на концертот доловена преку фото објективот на фотографот Ѕвонко Плавевски.

Фото: Ѕвонко Плавевски

16 октомври 2017