Како Македонците го пречекаа „Вардар“...

Сигурни сме дека не постои некој што денеска, ако не на плоштадот, тогаш од своите мобилни телефони или компјутери го следеше пречекот на шампионот „Вардар“.

Освојувајќи го првото место во Лига на шампионите во ракомет, овие момци не заслужија ништо помалку од спектакл. Плоштадот „Македонија“ како и сите околни згради, вклучувајќи ги и оние во градба, беа преполни од луѓе.

Жешкото време не ги спречи обожавателите уште еднаш да им оддатат чест на шампионите и да го прослават овој голем успех со нив.

Викторија Лоба ја испеја химната на Република Македонија, по што на сцената, еден по еден, излегуваше тимот на „Вардар“ искажувајќи ја својата радост и благодарност за настанот.

И за оние што не успеаја да бидат дел од денешниот пречек, како и за оние што сигурно ги следат сите објави и се радуваат одново за големиот успех, следи галерија:

6 јуни 2017