Камерон Дијаз е кралица на едноставноста

Кога ќе се направи ретроспектива на стилот на Камерон Дијаз, од нејзините први јавни појавувања до сега, може да се забележи како се менува нејзиниот моден вкус, но и како стилот добива на зрелост. Ако во почетоците ја гледавме во комбинации на различни ткаенини, принтови и бои, не секогаш среќно одбрани, со текот на годините Камерон ја пронајде својата магична формула - едноставноста.

Нејзин императив се едноставните кроеви и еднобојните комбинации. Ретко ќе ја видите во принт, уште помалку во комбинација на принтови.

Мини изданијата ги смени со оние до колена. Џинсот е задолжителен во нејзиниот лежерен стил, кога камерите не се околу неа, или пак мисли дека не се. Ременот е еден од модните додатоци без кои не излегува од дома.

Со оглед на тоа дека отсекогаш имала совршена линија, со која и сега може да им парира на многу помлади колешки од неа, често бира и такви парчиња што ја истакнуваат. И со право.

Промени во нејзиниот изглед имало кога е косата во прашање, па така ја гледавме и со кратка и со долга коса, пред неколку години одлучи да биде бринета, но русата коса е сепак нејзин препознатлив знак.

Не дека не може да биде похрабра во модните изданија, сигурни сме дека одлично би ѝ стоеле, но од друга страна, подобро да се држите до тоа што најдобро го носите и во што најдобро се чувствувате, така и најдобро ќе изгледате, а Камерон е фин пример за тоа.

фото извор: vogue.com.au; popsugar.com; huffingtonpost.com; elle.com; pinterest.com;

30 август 2018