Колоритен моден поздрав од Токио

Модната недела во Токио за сезона есен/зима 2019 завршува утре. Паралелно со модното шоу на писта, се одвива и она на улиците на Токио.

Уличната мода на Јапонците е нешто што или ќе ве фасцинира или нема да ви се допадне. Без разлика во која група сте, не може да се порекне дека во својот моден избор се храбри. Не стравуваат од бои, принтови, текстури...

Нивната необичност е она по што се препознатливи и совршено знаат да направат спој на актуелните тенденции со својата култура.

Во галеријата ќе видите токму такви примери. Се надеваме дека уличната мода од овој град ќе ви биде интересна и инспиративна, ако ништо друго, барем да внесете боја во своите стајлинзи.

Фото извор: vogue.com;

22 март 2019