Креациите што блеснаа на црвениот тепих на доделувањето на наградите Тони

Во неделата вечерта, во њујоркшката Радио Сити Мјузик Хол се одржа 75-тото годишно доделување на наградите Тони. Доделувањето на наградите, кое им оддава почит на најдобрите во театарот на Бродвеј, прими актери, актерки и таленти од целиот свет.

Меѓу другото, „A Strange Loop", во копродукција на Џенифер Хадсон, беше прогласен за најдобар мјузикл. Пејачката и актерка Хадсон и официјално доби ЕГОТ статус, престижната и ретка ознака за личност која е добитник на Еми, Греми, Оскар и Тони награди.
Листата на добитниците на наградите можете да ја погледнете на следниов линк.

Поради пандемијата со Ковид, последен пат кога настанот се одржа во традиционална форма беше во 2019 година. По две години, настанот за прв пат се одржа онака како што сите паметиме, а црвениот тепих беше прошаран со блескави креации, од розовата и свилена тоалета на Gucci што ја носеше Џесика Честејн, па сè до светкавиот фустан на Аријана ДеБозе во креација на Boss и импресивниот Bode костим во кој се појави Уткарш Амбудкар.

14 јуни 2022