Летна улична мода во Копенхаген

Престолнината на Данска во 10 до 13 август беше домаќин на ново издание на модната недела, реализирана со почитување на сите мерки против пандемијата кои се на сила во оваа држава.

Така, ревиите беа одржани, но со значително помал број, а новитет беше тоа што сиот материјал беше достапен и на „Јутјуб" платформата па можеше да се следи тековно.

Новинарите, потенцијалните купувачи и инфлуенсери повторно се најдоа во првите редови и ги проследија модните шоу-а кои беа подготвени.

Но, модно шоу имаше и низ улиците на Копенхаген. Скандинавците понудија вистинска разновидност - од деловни и елегантни стајлинзи до оние со предимензионирани парчиња, од влечки (кои и беа најзастапени обувки) преку сандали до чизми.

Индивидуалноста и модната игра се сосема доминантни на фотографиите што ќе ги видите во галеријата и затоа не изненадува фактот што модната сцена во Данска се' повеќе го привлекува внимание на модните познавачи ширум светот.

16 август 2021