Македонската филхармонија го прослави 73. роденден!

Пред полна сала, Македонската филхармонија во четвртокот со концертот „Среќен ти роденден“ славеше 73. години од постоењето. Силни беа аплаузите за солистот Љубиша Кировски на виолина, маестро Борјан Цанев и оркестарот на Македонската филхармонија, за изведбата на делата на П. Шахов, К. Голдмарк и Џ. Гершвин. Директорот Виктор Илиески, музикологот Марко Коловски и Бранка Костиќ, претседател на УО на МФ, одржаа пригоден говор пред почетокот на концертот, навраќајќи се на дел од историјатот на оваа институција, а на дел од вработените кои одбележуваат јубилејни годишнини од својата работа, им беа врачени пригодни подароци.

Среќен роденден Македонска филхармонија!

фото: Маја Аргакијева

27 ноември 2017