Најдобрите фотографии од Балканот

Најмоќните фотографски приказни од Балканот за 2015 година, беа наградени на традиционалниот „Балкан фото фестивал" што секоја година се одржува кон крајот на јануари во Сараево, Босна и Херцеговина.

Победник во главната категорија за репортажа е Марко Рисовиќ, а помеѓу наградените, во категоријата за престижната награда што ја доделува Сони, е македонскиот фотограф Ѓорѓи Личовски кој со својот фотоапарат ги долови емотивните моменти од бегалската криза.

Инаку фестивалот се состои од три различни програми: натпревар, едукација и поврзување на фотографите од регионот.

Делот со натпреварот вклучува селекција на најдобрите 60 фотографии од шест категории (секојдневен живот, портрет, креативна фотографија, природа, вест и репортажа), а се однесуваат на минатата година.

Во продолжение погледнете дел од наградените фотографии.

9 февруари 2016