Најубавите божиќни излози

Harvey Nichols, Tiffany & Co, Selfridges, Printemps се само дел од светските модни куќи што секоја година за време на Новогодишните и Божиќните празници внесуваат дополнителна доза магија во празничната еуфорија благодарение на совршено декорираните тематски излози.

Тимот кој што стои зад креирањето на целата приказна сместена помеѓу рамките на излозите, месеци однапред го осмислува и реализира концептот, а резултатот секако е воодушевувачки.

Секој на свој начин ја раскажува божиќната приказна инспирирана од различни теми: бајковита шума, волшебно царство или пак диско забава, а притоа исклучително внимание е посветено на секој единствен детаљ, рачно изработените декоративни елементи и функционалноста на празничните разгледници во излозите.

12 декември 2016