Пролетни венчаници од Елена Лука за уникатни невести

В пресрет и на календарското доаѓање на пролетта, модната куќа Елена Лука ја надополни колекцијата венчаници за актуелната сезона (пролет-лето '18) со нови, префинети и раскошни модели.

Имајќи го предвид различниот естетски сензибилитет кај секоја дама, од брендот понудија широка палета на избор. Од оние во сирена крој, до класичните и безвременски фустани во “принцес“ крој, а секоја од венчаниците содржи елементи по кои се издвојува. Следејќи ги и актуелните тенденции, забележливо е присуството на карнери, панделки, како и рачно аплицирана тантела или пак мониста, украсни камења и апликации, со што секоја од венчаниците добива уникатна завршница.

При изработката се користени и различни ткаенини и детали, токму со цел да се потенцира различниот стилски карактер и на идните невести.

Кој е вашиот фаворит?

14 март 2018