Првата кампања на Марија Грација Кјури за Диор е совршена

Новата креативна директорка на еден од најдобрите светски брендови Диор, Марија Грација Кјури конечно ја претстави првата кампања за модната куќа и како што очекувавме, истата е неодолива. Фотографиите ги направи Брижит Лакомбе, а во улога на модели се близначките Рут и Мае Бел. Светот веќе се запозна со магичните парчиња на првата дама дизајнерка на Диор, а ова е уште една прилика да видиме колку се тие посебни. Секое парче одлично се вклопи во црно – белите фотографии кои на посебен начин го пренесуваат духот на Диор, но и личниот печат на дизајнерката. „Ми беше многу важно ова да биде женско снимање. Ме интересираат различни интерпретации на женственоста, а Лакомбе е една од оние жени кои знаат да „фатат“ различни погледи на светот. Задачата ни беше да ви претставиме еден нов, модерен поглед на женственоста и на што тој збор воопшто се однесува“, вели Кјури за едиторијалот.

21 декември 2016