Скопје вечерва пееше во чест на Балашевиќ

Дожд, свеќи, плишани мечиња, цвеќе, стихови научени наизуст и душа словенска.. Ваква е сликата вечерва пред платото на Универзална сала.

Скопјани се собраа и преку песните на овој поет каков нема да се роди ни за илјада години, се потсетија на некоја своја животна ситуација, на некоја личност, на тоа како токму овој човек им го одбележал животот, како бил со нив и во најубавите и во најтемните мигови.

Скопјани, а вечерва заедно со нив и граѓаните на Србија и Хрватска, упатија звуци и аплаузи кон небото, покажувајќи му дека иако физички веќе го нема, неговиот дух и срце оставени во овие песни ќе бидат сеприсутни...

20 февруари 2021