Таа има 60 години и е ѕвезда на Инстаграм

Нејзиното име е Сара Џејн Адамс, живее на релација Австралија – Британија, има 60 години, уникатен стил и неверојатен позитивен дух – да може да се почувствува дури и преку фотографиите што ги објавува на Инстаграм. Има 40.000 следбеници на оваа социјална мрежа, што секако не може да се спореди со ѕвезди од калибарот на Мадона која има четири милиони, но сепак, во својот универзум таа е ѕвезда.

А тоа е со една причина: го живее својот живот до максимум и им ја пренесува таа своја единствена енергија на нејзините „инста пријатели". Нејзиниот уникатен имиџ во кој без ограничувања внесува богат колорит и микс на различни стилови, е неисцрпна инспирација за нејзините далеку помлади следбеници.

17 февруари 2016