Улична мода на скандинавски начин

Стокхолм деновиве е центарот на скандинавската мода, со оглед на тоа дека во тек е тамошната модна недела.

Тука се презентираат новите тенденции за сезоната есен-зима 2018/2019 на најпопуларните скандинавски брендови, а во меѓувреме улиците на градот се претворени во исто толку возбудливо модно шоу колку и на самите модни писти.

Иако сме навикнати скандинавците да ги гледаме во минималистички кроеви и неутрална палета на бои, сепак последниве неколку сезони улиците на Стокхолм добиваат се поголем интензитет на бои и стилови.
Се носат плетива, еко крзно, твид, силни бои, принтови, широки панталони, женствени здолништа, макси капути, но сето тоа комбинирано единствено на ним препознатлив начин.

Како изгледаат деновиве улиците на Стокхолм, погледнете во галеријата.

Фото: IMaxTree

23 јануари 2018