Заврши третото издание на Fashion & Lifestyle Expo

Викендов се заокружи уште едно, трето по ред издание на Fashion & Lifestyle Expo, настанот каде на едно место се сублимирани различни форми на уметноста и дизајнот.

Во рамките на годинешната програма беа реализирани повеќе модни перформанси, работилници, беа презентирани различни иновативни производи од доменот на архитектурата, ентериерното уредување, модата, кулинарството...

Студентите од Модниот институт „Изет Цури" презентираа дел од своите креативни дела – модни дизајни, брендот Искра&Лидија Блупринт учествуваше на настанот со промоција на третата колекција насловена „Зебра" инспирирана од топлите пејсажи на Африка, а македоснки физери и мејкап артисти преку своите работилници не запознаа со новите трендови во светот на убавината.

Преку фотографија ви пренесуваме дел од амбиентот на третиот Fashion & Lifestyle Expo.

26 март 2018